盧瀚霆Anson Lo為《HKT西九音樂節：越流行》壓軸登場。(娛樂組攝)
MIRROR成員盧瀚霆(Anson Lo)昨晚(2日)為《HKT西九音樂節：越流行》壓軸登場，為神徒們獻唱10首歌。Anson Lo在完騷後受訪，首度開腔回應在西九音樂節的記者會上，疑被KC(黃家灝)「藐爆」風波，他表示事後看報導才知事情鬧大，「從我的POV(視點角度)，我同佢純粹打招呼點頭，都係都意識大家存在。後來事件發大，講真我都feel bad，但又唔想加把口令事件繼續發大，我自己沒有feel bad。」至於事後重看廣傳片段，可有感覺被藐？他表示，「可能第一次的POV已印在腦海，純綷覺得好輕鬆地表示見到我嘅存在，所以沒想太多。」
從沒聽聞有藝人被雪藏
問到事後KC可有主動聯絡或解釋，Anson Lo直言彼此不相熟，甚少同場，故亦沒有甚麼接觸聯絡。至於近日有傳KC因此風波和跟女友分手，被公司雪藏，他搞笑表示，「以我呢6年喺ViuTV，包括2年喺Makerville，我未聽過有artists被雪藏，但依家有冇變，會唔會有新制度，我就唔知，我都好耐冇返公司。而且始終不同經理人團隊，祝所有artists都一切安好。」
🎁 amJetso請你睇《焚城》，快Ｄ開APP玩👇 👇
