苑瓊丹榮升科學會會長，好友林子聰到場慶賀。
一向諗頭多多嘅苑仔(苑瓊丹)，繼早前被獲封公主名銜，近日又有新封號，以「香港女科學家協會」副會長的身份，現身灣仔會展舉行的協會的揭幕典禮。榮升「科學家」，苑仔自言一直研究新科技，「由細到大都冇諗過自己同科學家沾上關係，由『師傅』帶我接觸科學，發現呢啲野唔係高高在上，唔係遙不可及嘅！接觸科學之後令自己大開眼界，想透過科學健康咁『活多幾年』。 」
好友林子聰都到場慶賀，猶如「男主人」滿場飛派送禮， 兩人表示，「近日香港嘅腐乳令到香港好失望，香港人好似冇咗手信，依家我地努力不懈，研發令到佢無菌，我地會搞呢啲研究。善用科學改善生活，搞到依家頭髮都多咗，可以供獻比社會。」林子聰亦附和支持，笑指二人「傾傾吓」就落實研究：「其實所有科學都係由發夢開始，只有創新先係科技，同我地拍戲都係一樣。」苑仔半說笑指林子聰找她做女主角，票房慘淡，幸好現時「氹掂」對方做直播齊齊搵真銀。
苑仔早前曾休息通經絡，搞到手臂有明顯瘀痕，她搞笑澄清沒被老公「家暴」。
捱到周身傷 澄清非家暴
剛剛度過61歲生日(11日)及結婚20周年紀念，苑瓊丹就忙到沒時間慶祝，趁返香港跟老公補祝：「依家幾十歲唔洗慶祝，最緊要家和萬事興、身體健康！我都唔知結婚20周年添，真係快樂不知時日過，證明我婚姻生活係美滿嘅。」苑仔忙於做生意和直播，捱到周身傷，早前曾休息時間通經絡，手臂有明顯瘀痕，她澄清沒有被老公「家暴」，萬一發生會做直播求救。