英皇娛樂最近喺銅鑼灣開設期間限定概念店
英皇娛樂最近喺銅鑼灣開設期間限定概念店0 e:ffect Concept Store，店內有大量英皇藝人容祖兒、Twins、張敬軒、古巨基同李克勤精品以及佢地演唱會著過嘅歌衫展出，加上有唔少周邊產品推出，成為咗唔少fans朝聖熱點。
英皇多位藝人喺內地具有一定人氣，因此有唔少內地fans專程來港買紀念品同打卡。唔少內地fans都喺小紅書分享佢地抽藝人閃卡嘅收穫。原來除咗容祖兒、Twins、謝霆鋒、陳偉霆呢班「頂流」之外，英皇更為一班實力派藝人出閃卡，包括毛舜筠、歐陽震華、方中信、溫碧霞等，仲有唔少人留言希望換取。
英皇概念店嘅閃卡有齊旗下藝人靚相，毛姐、方中信都有份！
更妙嘅係連英皇老闆楊受成博士、星級經理人Mani霍汶希都有閃卡，好驚喜。有內地網民就話「有楊受成我是沒想到的」，甚至話唔會拎楊博士閃卡同人交換，因為「留著漲漲財運」。據知一張閃卡就要買10蚊一個代幣嚟抽，唔少fans俾幾百蚊抽卡，相當疏爽。
原文刊登於 Yahoo 娛樂圈
amJetso送 Bodysonic先力牌窗口式冷氣機X靜音循環風扇X電動冷凍小風扇
