![莊韻澄自爆去年7月已和呂成忠分居。](https://cdn.am730.com.hk/s3fs-public/styles/article_image/public/2024-07/31_8.jpg?itok=uKgFQRgT)
莊韻澄自爆去年7月已和呂成忠分居。
莊韻澄(Xenia)日前在IG貼出律師聲明,正跟呂成忠(Joe)辦理離婚手續。原來兩人在去年7月分居,聲明對方一切與她無關。Xenia亦表明未有跟任何人或公司簽經理人合約,不容許未經授權公開她的私隱和以她名字進行商業活動。
![與老公呂成忠緣份已盡。](https://cdn.am730.com.hk/s3fs-public/styles/article_image/public/2024-07/cc64a52934be9e17cb31579ba3b1f6e2.jpg?itok=nFQu5IuC)
與老公呂成忠緣份已盡。
![昨日貼出律師聲明,莊韻澄正辦理離婚手續。](https://cdn.am730.com.hk/s3fs-public/styles/article_image/public/2024-07/33_10.jpg?itok=CzoBN9Vm)
昨日貼出律師聲明,莊韻澄正辦理離婚手續。
「前夫言論討伐我」
Xenia今日在IG再出po,分享抱囝囝照片,亦留言回應呂成忠指控:「我唔會關留言亦唔會回留言。只會統一回應呂成忠先生指責。既然呂成忠先生要發動群眾壓力及言論去討伐我,我已經約好今晚第一位聯絡我的記者盡快去做個專訪。呂成忠先生永遠都係喺我唔知情況底下或背後做好多動作。」Xenia表示,叫呂成忠唔好浪費大家時間,「我就成就你所想,要撕開肚皮去面對700萬以上人,講真我公開出得聲明就預咗,我唔會再受呂成忠威脅,因為我係公眾人物關係,呂成忠每日用不同嘅存檔去威脅我或聲言公審我。我會勇敢去逐一回應,我係人都有情緒會做錯事。一切都只係證明呂成忠先生點樣去繼續傷害我同個仔。」
![昨日貼出抱囝囝照片,留言不再受呂成忠威脅。](https://cdn.am730.com.hk/s3fs-public/styles/article_image/public/2024-07/32_7.jpg?itok=go_kZre0)
昨日貼出抱囝囝照片,留言不再受呂成忠威脅。