![謝雪心72歲再戰動漫節大玩Cosplay 比去年更性感 網民:佩服](https://cdn.am730.com.hk/s3fs-public/styles/article_image/public/2024-07/e89775a0-4efc-11ef-bcaf-881ed3aaaea5_0.jpg?itok=Tnpj9pbB)
謝雪心72歲再戰動漫節大玩Cosplay 比去年更性感 網民:佩服
72歲嘅謝雪心除咗演繹過唔少TVB經典劇集,更加係粵劇名伶;除咗熟悉嘅工作,謝雪心亦樂於嘗試新事物,去年於香港動漫電玩節就驚喜以coser身份出席活動,被網民大讚。喺啱啱結束嘅第25屆香港動漫電玩節,謝雪心再次Cosplay動漫角色,一班網民都話謝雪心好玩得。
Cosplay原神
去年,謝雪心為香港動漫電玩節「動漫cosplay大賽」擔任頒獎嘉賓,並以《原神》「達達利亞」造型走上舞台,當時佢就直言係自己主動要求Cosplay打扮,事前亦有睇動漫做功課,又指再有機會唔介意以性感造型出現。日前,謝雪心於今年香港動漫電玩節再次大玩Cosplay,一人分飾兩角,分別著上西裝及黑色貼身裙襯長Boot扮演《Spy × Family》嘅男女主角「爸爸」洛伊德及「媽媽」約兒,上演一場小劇場,網民均大讚謝雪心心態年輕又型格:「心姐真的,我佩服」、「好正!!!想年年都看佢Cosplay」、「謝雪心好帥」、「她真的好有趣,喜歡她」、「很開心看到她這麼好玩」、「她越來越樂在其中了」等等。而且,雖然謝雪心所著嘅裙款有肉色內襯作打底,但唔少網民都話謝雪心將身形keep得好好:「身材真好」、「這個年紀還能保持這麼苗條的身材,我慕了」、「身材管理真的沒話說」等等。
原文刊登於 Yahoo 娛樂圈