阿儀聯同好姊妹黃榕及一班肌肉男殺入香港動漫電玩節2024。
過氣「亞視一姐」薛影儀以百變見稱，最近孖住黃夏蕙為鍾雨璇新歌《到底邊度有真相？》拍攝MV，阿儀分別以性感婚紗及中性造型登場，又一次挑戰網民底線。
阿儀近期還有新搞作，她將聯同好姊妹黃榕(Gloria)殺入香港動漫電玩節2024，曾cosplay月野兔、小丸子的阿儀，今次又會挑戰另一動漫角色。
阿儀扮產屋敷耀哉
阿儀日前在IG出Post透露星期日(7月28日)將殺入動漫電玩節，並分享一班肌肉男及大隻妹cosplay成《鬼滅之刃》一眾主角的造型照，不過阿儀今次唔係再扮禰󠄀豆子，並非做「柱」，透露到時會化身產屋敷耀哉，期待其爛面扮相。阿儀寫：「嚟緊星期日，主公將率領九柱，於動漫展集結，展開鬼殺隊之最終決戰。」
有網民大讚眾人還原度極高，亦有人寫「阿儀係處唔係柱」，而今次跟阿儀、黃榕齊齊cosplay的肌肉男女，均參加健美大賽經驗或健身教練，露肉上陣可謂大派用場。
amJetso送香港迪士尼樂園成人一日門票 ⬇️⬇️立即開APP參加⬇️⬇️
