![陳凱琳現身擔任頒獎嘉賓。](https://cdn.am730.com.hk/s3fs-public/styles/article_image/public/2024-07/d4fd8214-19ca-44f4-8ea2-bbf150a8c7ef.jpg?itok=VjLqoIth)
陳凱琳現身擔任頒獎嘉賓。
香港救助兒童會(救助兒童會)適逢成立15周年,宣布設立首屆「救助兒童獎」,並於今日(27日)假中環街市舉行頒獎典禮,是次活動邀請靚媽陳凱琳(Grace)現身擔任頒獎嘉賓,並由《年少日記》童星黃梓樂為活動擔任小主持。
![黃梓樂為活動擔任小主持。](https://cdn.am730.com.hk/s3fs-public/styles/article_image/public/2024-07/bea60e55-9a7e-487d-ba1d-d6dab31940dd_0.jpg?itok=swk4SLIg)
黃梓樂為活動擔任小主持。
黃梓樂暑假密密接job
已是三孩之母的陳凱琳,一直熱心參與各種兒童福利的公益活動,陳凱琳一身簡約長裙亮麗現身任頒獎嘉賓,並在台上表示今天是她與老公鄭嘉穎所生的二仔生日:「今日係香港救助兒童會成立15周年慶典,亦係我二仔嘅四歲生日,我同佢講媽咪今日要做Save The Children 15周年慶典,及救助兒童獎頒獎禮,會見到好多得獎者;佢哋喺社會上貢獻好大,同埋希望透過呢次機會畀大眾多謝佢哋。我希望以身作則,等自己小朋友大少少可以同我一齊出嚟做義工。呢個社會好多人需要關懷,好多人好熱心,我想做個榜樣比佢哋睇。」
至於黃梓樂首任小主持,其主演的《年少日記》正正是借近年學童自殺問題探討來自原生家庭的傷痛;恰巧其中一位得獎者與梓樂同齡,黃梓樂接受訪問時表示:「我同Grace合作過幾次,好開心今日可以一起出席咁有意義嘅活動。」正值放暑假的梓樂最近非常勤力曝光率超高,早前參與完生產力局微電影後,10月又會有一套關於動物的電影推出,最近主要拍攝短片和客串劇集。