2024-07-30 20:36:44

香港女子組合Beanies新歌《小氣團》 MV拍足24小時

Chiutung(潘釗彤)、Geor(陳樂頤)、Jaime(張天穎)、Kay(李凱翹)及Winky(黃健怡)組成的唱作女子組合Beanies，近日推出今年第2首歌曲《小氣簿》。這首新歌講述一班好朋友相約玩樂，呻訴平日生活的不開心、返工冤屈氣等，朋友見面就好似寫晒落小氣簿。」《小氣簿》MV請來台灣新一代演員姚愛寗與張介禎演出。幾分鐘的MV就拍了24小時。

食拉麵好幸福

Beanies 5位成員也有參與MV演出，當女主角對愛情充滿困惑時，5位成員就會出現在女主角身旁鼓勵她。Jaime說：「演員負責成個故事情節，俾觀眾睇到成首歌嘅第二面。」Kay說：「演員們做得好好，眼神呼吸節奏好到位，我自己眼濕濕咗兩次。」講到拍攝難忘事，Winky說：「MV拍咗24小時，休息時一齊食嘢，通常食飯盒，但今次出去食拉麵，好幸福。」Geor說：「我哋喺天橋同女主角大嗌發洩，但我哋要無聲吶喊，因為當時已是凌晨3點幾。」Chiutung就說清醒時間嘅24小時，一齊做咗好多奇怪事。