「甜筒輝」鄭文輝抖音拍片感恩星爺 現已成立製作公司升呢做老闆

「星爺」周星馳嘅電影裡常會出現好多亮眼配角，綽號「甜筒輝」嘅鄭文輝絕對係其中之一。佢曾經參演《食神》及《喜劇之王》等電影，亦為《行運一條龍》及《喜劇之王》等擔任幕後工作。時隔多年，原來佢已經成立製作公司，升呢做老闆。

感恩星爺

日前鄭文輝開設內地社交平台抖音帳號，至今上載咗四條影片，而其中一條更以「感恩星爺」為題，並寫「當年臨時被星爺抓去當演員，沒想到命運的齒輪開始轉動。」

當年鄭文輝係副導演兼編劇，但突然有一日被星爺問：「你有冇西裝？聽日有個角色畀你做。」自此佢就唔單止係一名幕後人員，並成為令人印象深刻嘅配角演員。後來，佢仲轉到漫畫周刊擔任監製，近年仲成立製作公司，每一年投資7位數字去拍片。

原文刊登於 Yahoo 娛樂圈

amJetso送 Bodysonic先力牌窗口式冷氣機X靜音循環風扇X電動冷凍小風扇