2024-07-31 18:34:41

Ali旅居英國整月冇豔遇稱談條件唔叻佛系心態傾續約

李佳芯(Ali)、乒乓球教練高禮澤、運動員林兆恒等，昨晚出席《apm全日早晚無限撐乒乓奪標派對》，為港隊乒乓球混雙孖寶黃鎮廷、杜凱琹等集氣。早前放假到了英國1個月的Ali，她稱此行沒有豔遇；又指與TVB續約自己趨向佛系，因為不懂談條件。

Ali席上臨急抱佛腳，跟高禮澤、林兆恒學「滴滴仔」球技，準備與現場觀眾互動，眾人又為奧運港隊集氣，期望比賽有好成績。Ali稱剛拍完新劇《麻雀樂團》，就到英國住了一個月，「喺英國上咗啲短期課程，剔咗英語、花藝課程，想體驗下唔同生活。」問Ali此行有否男友陪伴及豔遇，她說：「沒，連追嘅人都感覺唔到。(鴨脷洲吃飯的男士呢！)嗰個真係朋友。」

談到她與TVB續約一事，因網民在《明愛暖萬心》見到有她出現，非常開心，她說：「多謝觀眾。(續約進展如何？)自己其實幾佛系，唔係好叻傾合約。」問她若TVB開出條件不理想會否離巢，「其實我同公司有感情，合作咗12年，而且仲有很多角色想試，好似癲婆、心理專家呢啲角色，我想延長自己演員生涯。」Ali稱，自己對續約沒有甚麼要求，因為不是你要求公司就可以俾你。