MC張天賦連同小師妹歸綽嶢Nancy，以及何超蓮出席化妝品牌活動。
MC張天賦、Nancy歸綽嶢、何超蓮出席化妝品牌活動，久未露面的超一身紅色長裙打扮靚靚登場。
Nancy今次穿上5吋高跟鞋，着厚底皮鞋的MC， 驟眼一看跟Nancy 差唔多高，雖有備而戰，但MC接受訪問時戲稱社會上很多時都會有不公平的狀況發生，笑說：「我知佢（Nancy）今日着咗5吋高跟鞋來，但男仔唔可以着對5吋嘅鞋出席活動，如果唔係，我覺得可以撼過。」在旁的Nancy聽到，忍不住偷偷笑師兄。
聽到師兄這樣說，Nancy即場扮蹲低一點，說：「我可以就下佢嘅。」見到Nancy這樣做，MC索性說：「算啦呢啲，唔使喇！」MC透露，自己是個不夠自信的人：「我會有把聲去說服自己，上到台唔好咁尷尬，最後我得出個結論，即使你尷尬都好，你要為呢個尷尬自豪，你唔好因為呢個尷尬而尷尬，咁就係你自己嘅嘢喇！」早前推出《百萬大道》之後，MC將會再度推出自己寫的歌曲，他表示：「我寫嘅歌單裏面，缺少咗一首三拍嘅歌，於是呢首會係我第一首三拍嘅歌。應該係8月中或尾出。」至於新歌MV，MC表示還未拍，不過已知將會到外地拍攝，MC謂：「都想出外走吓嘅，大家都知我唔敢搭飛機，近近哋咪算，最好機程係2至4個鐘。」
amJetso送 Bodysonic先力牌窗口式冷氣機X靜音循環風扇X電動冷凍小風扇
