鄭泳舜拍Vlog 遊巴黎場館（鄭泳舜YouTube截圖）
港隊喺奧運大豐收，香港體育學院副主席鄭泳舜亦親身去到巴黎支持一眾港隊運動員，順便化身KOL拍咗6集Vlog，除咗講下巴黎體驗，又介紹奧運唔同場館設施，我哋喺香港睇電視，比較少機會睇到場館周邊環境，阿舜今次一邊踩單車同慢跑，一邊帶大家睇下唔同嘅場館，究竟座落喺乜嘢環境。
場館融入城市
阿舜走過舉辦田徑嘅法蘭西體育場、舉辦乒乓球賽嘅南巴黎競技場、見證何詩蓓勇奪兩銅嘅巴黎拉德芳斯體育館，亦都沿住場館嘅軌跡，睇埋巴黎名勝，例如艾菲爾鐵塔體育場就係艾菲爾鐵塔隔籬，裡面舉辦沙灘排球比賽，場內場外都睇到鐵塔；巴黎協和廣場就變身城市運動公園，舉辦三人籃球、滑板同霹靂舞等嘅比賽，將城市運動融入自然風景；巴黎大皇宮就改建成為劍擊同跆拳道嘅賽道，見證江旻憓同張家朗創造歷史，雙雙摘金。
阿舜身為大型體育活動事務委員會副主席，睇完巴黎場館嘅改造，唔知會唔會有乜嘢心得帶返嚟香港，幫手畀啲意見，喺未來香港體育盛事場館上面花啲心思呢。
鄭泳舜跑過劍擊賽場嘅巴黎大皇宮（鄭泳舜YouTube截圖）
amJetso送 Bodysonic先力牌窗口式冷氣機X靜音循環風扇X電動冷凍小風扇
