免費坐機場快綫｜機鐵暑假期間小童免費！搭的士轉乘機鐵 車費半價優惠

由2024年7月1日起至9月1日，機場快綫推出3至11歲小朋友小童免費乘搭優惠，啱晒一家大細暑假去旅行時使用！另外搭的士轉乘機鐵更可享有車費半價優惠，下文即睇詳情！

機場快綫夏日激賞優惠

暑假將至，機場快綫推出一系列夏日激賞優惠。由即日起至9月1日，3至11歲小朋友憑有效小童八達通乘搭機場快綫，可享免費往 / 返市區車站（香港站、九龍站、青衣站）與機場站，讓大家舒適地前往香港國際機場展開旅程！乘客更有機會乘搭機場快綫多啦A夢主題列車，在指定日子更可與機鐵仔見面打卡，小朋友們一定鍾意！
而機場快綫的士轉乘半價優惠亦同步推出，乘客只需於入閘前，前往機場快綫香港站、九龍站或青衣站的客務中心出示港幣50元或以上之即日的士收據或憑證辦理手續，即享八達通車費半價優惠2。每張的士收據或憑證最多可供5位乘客享此優惠，一於約埋親朋好友一齊出發！

條款及細則請參閱機場快綫網站