![網上熱話|港男發文大讚單身花費少好多 每月最大開支僅為1事 網民:有啲嘢錢買唔到](https://cdn.am730.com.hk/s3fs-public/styles/article_image/public/2024-06/X_9.jpg?itok=ioR_5Agp)
網上熱話|港男發文大讚單身花費少好多 每月最大開支僅為1事 網民:有啲嘢錢買唔到
香港生活基本上樣樣嘢都講錢,有時即使唔想太現實,但面對生活又不得不下下計到足。早前一位自稱現年40幾歲的港男在討論區上自豪發文,直指自己至今仍然單身,但就悟出單身維持「一支公」的好處,更直言大部分都與錢銀有關!發文者的觀點引起大批網民熱議,有網民認同他的生活無疑是「人生贏家」,但亦有網民高呼「錢買唔到快樂」的口號。
![圖片來源:MBC《舉重妖精金福珠》劇照](https://cdn.am730.com.hk/s3fs-public/styles/article_image/public/2024-06/WhatsApp%20Image%202024-06-24%20at%2012.03.54%20%287%29.jpeg?itok=KrHXjfNZ)
圖片來源:MBC《舉重妖精金福珠》劇照
40歲港男網上自豪發文 大讚單身生活好處多
香港地出名樣樣嘢都講錢,不時看到有情侶為那一方俾錢還是AA制起爭執,而與金錢有關的話題更是多年來都不斷。早前一位自稱現年40多歲的港男在討論區上發文,劈頭直指「發現男人單身真係可以使好少錢」。他坦言自己單身多年,早已悟出「一支公」的好處,直指自己同父母住,日常生活及習慣只需要顧及自己,「唔使諗買樓」、「唔使浪費係條女度」,更直言這種生活「真係幾爽」。
![Ad Block](/assets/v2/img/ui/代替網上廣告_300_250px.jpg)
![圖片來源:LIHKG討論區](https://cdn.am730.com.hk/s3fs-public/styles/article_image/public/2024-06/WhatsApp%20Image%202024-06-24%20at%2012.03.54.jpeg?itok=0B1GWkUX)
圖片來源:LIHKG討論區
![圖片來源:SBS《繼承者們》劇照](https://cdn.am730.com.hk/s3fs-public/styles/article_image/public/2024-06/WhatsApp%20Image%202024-06-24%20at%2012.03.54%20%2810%29.jpeg?itok=misvhkV8)
圖片來源:SBS《繼承者們》劇照
![圖片來源:tvN《金秘書為何那樣》劇照](https://cdn.am730.com.hk/s3fs-public/styles/article_image/public/2024-06/WhatsApp%20Image%202024-06-24%20at%2012.03.54%20%2812%29.jpeg?itok=0Z7t5N1x)
圖片來源:tvN《金秘書為何那樣》劇照
物慾低花費少 每月最大開支僅為1事
發文者在文中自認物慾低,每月的花費亦相對較低,「其本上唔想裝扮自己,即使係買新衫,都係嗰啲連鎖大牌子,特價嘢」、「平時返工收工,間唔中同friend 出去食嘢下,打下邊爐,唔係使得好多」。而每個月最大的兩筆開支分別為「每個月一皮家用當交租同伙食」,以及「自己嘅娛樂係打下機,一個月幾舊水」。
![圖片來源:MBS《昨晚過得很愉快吧》劇照](https://cdn.am730.com.hk/s3fs-public/styles/article_image/public/2024-06/WhatsApp%20Image%202024-06-24%20at%2012.03.54%20%288%29.jpeg?itok=i13PAg8Z)
圖片來源:MBS《昨晚過得很愉快吧》劇照
網民留言兩極 人生嬴家VS有啲嘢錢買唔到
發文者大讚單身生活「好爽」,自己賺錢只需花在自己身上,不需要為另一半以及二人的未來奮鬥和努力。他的觀點引起大批網民熱議,有認同他看法的人對此表示羨慕,「冇女人制造經濟壓力」、「人生easy mode」,又指「做男人,控制到碌X就可以慳好多錢」、「唔好比碌X控制個腦人生就差好遠」。惟亦有網民認為生活不能單單用錢衡量,「有女朋友開心好多」、「四十幾都唔會想有自己空間既咩」、「仲同屋企人住?」,直指「有啲嘢錢買唔到」。
![Ad Block](/assets/v2/img/ui/代替網上廣告_300_250px.jpg)