![網上熱話|港男北上種牙險被螺絲釘哽死 發文轟「搞到一肚氣」(FB@深圳吃喝玩樂新發現(By熙遊記))](https://cdn.am730.com.hk/s3fs-public/styles/article_image/public/2024-06/%E8%9E%A2%E5%B9%95%E6%93%B7%E5%8F%96%E7%95%AB%E9%9D%A2%202024-06-29%20153020.png?itok=4ukHyaZn)
網上熱話|港男北上種牙險被螺絲釘哽死 發文轟「搞到一肚氣」(FB@深圳吃喝玩樂新發現(By熙遊記))
近期香港人愛北上消費,除到內地飲飲食食外,更有人為慳錢而北上護理牙齒。有港人在社交平台發文指,北上在內地牙科種牙,險被螺絲釘哽死。
該網民在Facebook群組發文寫道,指自己早前北上找牙醫種牙,「進行到最後一part(部分),上左螺絲等新牙做好就裝(牙),點知早兩晚睇波訓(瞓)著咗, 突然之間feel到喉嚨有粒硬物kick住咗, 差啲畀佢搞到窒息, 𦧲出嚟一睇,原來係種牙嗰粒螺絲。」
牙醫診所Hea答男子
其後該男子在第二天立即致電該診所的牙醫,詢問為何螺絲會攆掉下來,後來診所回答,「竟然同我講呢個螺絲係臨時嘅,甩出嚟唔出奇,仲叫我自己擰返上去。唔好玩啦點擰!大佬啊,你粒嘢係鐵嚟㗎,吞咗落去Kick住咗真係有機會窒息死人架。」
![Ad Block](/assets/v2/img/ui/代替網上廣告_300_250px.jpg)
男子於是請假並再次北上到診所修理,卻搞出「一肚氣」,「居然要我等45分鐘先同我整!你明知係你哋嘅問題,仲要我等咁X耐,呢間嘢真係比佢搞到一肚氣,奉勸大家真係要去深圳種牙‼,真係要佢擰實啲粒螺絲呀!」
網民:番深圳就預左啦!
有部分網民看後,指內地的牙科不如香港,認為「便宜沒好處」,「你番深圳就預左啦,天才」、「差啲成為史上第一個因為誤吞螺絲釘而死嘅成年人」、「智商稅」、「我真係唔敢,大陸嘅醫療服務如果係咁好,啲上咗去退休嘅老人就唔會望返香港覆診啦」、「一分錢一分貨」;亦有同樣狂內地種牙的人表示擔心,「請問你幾錢一只,什麼料?因我亦種牙中,睇到你咁有啲擔心」、「麥芽口腔全靠賣廣告」、「呢間上網好多負評,所以幫屋企人找左另一間」、「我都試過差點吞落肚!但最后一步用膠痴實」。
![Ad Block](/assets/v2/img/ui/代替網上廣告_300_250px.jpg)