![自助餐新噱頭:直至9月20日可以任食法國生蠔。](https://cdn.am730.com.hk/s3fs-public/styles/article_image/public/2024-08/ZN_3.jpg?itok=oSGo4CgK)
自助餐新噱頭:直至9月20日可以任食法國生蠔。
香港文華東方酒店快船廊經過翻新後,全新自助餐款式更多,可一次過試勻酒店不同餐廳招牌菜,海鮮及甜品又加強陣容。由現在起至9月20日更特推任食法國生蠔,並新增即製巴馬臣芝士輪意粉及雪糕車,自家製自家風味雪糕。
記者實試:海鮮款式多
翻新後全新的自助餐在晚市時段供應,出品過百款。記者實試親身體驗,推介以下必食出品:海鮮吧的凍海鮮逾10款之多,包括法國生蠔、歐洲麵包蟹、波士頓龍蝦、鱈場蟹腳、本地鮑魚、法國藍青口、紐西蘭綠青口、挪威海蝦、蒸元貝、本地蜆及翡翠螺,選取可持續發展的海鮮。生蠔比一般自助餐的略為大隻肉多;龍蝦亦比坊間自助餐的厚肉彈牙帶甜;鮑魚size不小,去殼後佔半隻手掌。要留意生蠔供應期有限,直至9月20日為止。10月將推出大閘蟹。而自助餐的熱葷也不乏海鮮,有炸虎蝦、本地鱸魚配日式燒汁、白酒忌廉燴蜆。
食盡酒店招牌名物
場內可試勻文華扒房+酒吧的燒烤如燒美國牛肋排、Café Causette馳名的海南雞飯,以及千日里的咖哩,吃盡酒店其他餐廳的招牌菜。其中海南雞肉滑,飯帶香料幽香,不油膩。自助餐另一亮點必試全新推出的巴馬臣芝士輪即製意粉,廚師逐個柯打烚意粉,然後放在巴馬臣芝士輪上撈,再灑上即刨車打芝士,芝士味頗香濃。客人可再灑上黑椒碎或辣椒粉提升辛香。此外,更有芝士輪即製沙律,芝士控會滿足!不過要有心理準備,吃畢芝士意粉會易飽易膩,減低胃部任食作戰功能。
新設自製雪糕車
甜品區焦點非新設的雪糕車莫屬,每次提供4款口味自家製雪糕,客人可自選配雪糕筒、窩夫及其他配料。實試當日有奶茶、朱古力、熱情果及呍呢嗱味,味道天然,質地滑溜。當中朱古力味及熱情果比較鮮明突出,朱古力味頗香濃;熱情果大酸解膩。酒店名物1963文華芝士蛋糕、維多利亞海綿蛋糕、自製朱古力都是必食之選!
快船廊Clipper Lounge
地址:中環干諾道中5號香港文華東方酒店M層
電話:2825 4007
自助晚餐時段:下午6時至晚上10時30分
自助晚餐價錢:星期一至四$888/成人,$488/小童;星期五至日、公眾假期前夕及公眾假期$988/成人,$588/小童。另加$158任飲礦泉水、汽水及果汁,另加$588任飲香檳、紅白酒。