人有薄技旁身，總是好事，因為你估不到甚麼時候會用得著。
柴醫：陳生，你隻腳肌肉好發達，而家幫你落針。
陳生：柴醫，你唔好太大力，我好怕痛！
柴醫：大家男人，我明㗎！男人係特別怕痛。
柴醫彎腰視察穴位，避開血管，左手用力散其氣血，右手持針刺穴。陳生慘叫一聲，千鈞一髮之際，竟使出大力金剛腿，踢向柴醫面部，柴醫出於本能，頭向後一避，剛巧腳趾尖在柴醫鼻尖經過，劃出一道冷風。
柴醫：好彩我食過夜粥，如果唔係畀你踢到入廠。
陳生：唔好意思，神經反射！柴醫你喺邊度學功夫？
柴醫：以前夜晚係樂華社區中心學過跆拳道。
陳生：勁喔！乜帶？
柴醫：失禮，藍紅帶。
陳生：好厲害，我六歲個仔都係藍紅！畀錢考就得㗎喇！
柴醫：😅😅😅😅