女披唇頭頂頭髮稀疏，於是想改善髮囊營養，補肝腎，生烏髮。
柴醫：生日喔，我祝你聰明絕頂。
女披唇：頭髮已經少，仲絕頂？
柴醫：祝你厚積薄發喇！
女披唇：柴醫，我唔要駁髮！我要生真髮。有無第二句啊？
柴醫：祝你頭髮野火燒不盡，春風吹又生！
女披唇：😂😂😂😂好！
後記：脫髮必須要趁不太嚴重就要治療，例如突然大量脫髮，產後脫髮一年未好，減肥後脫髮，更年期脫髮等。如果是慢慢脫，髮量逐漸減少，這種脫髮令頭皮見到頭皮肉，1cm x 1cm 面積少於60條頭髮，甚至唔夠30條，那就要盡快重視一下，脫髮有分期，1至5期還可以治療，6至7期，嚴重地中海，髮囊已經壞死，一般食藥針灸都效果不理想，而且髮囊無法逆轉，只能戴假髮。