披唇：柴醫，你真係好難book！
柴醫：如果約唔到，可以睇住其他醫師先。
披唇：有無好介紹啊？點選擇？
柴醫：點都好，千祈唔好幫襯「炙醫」(音：脊)
披唇：你同脊醫有仇啊？
柴醫：
係有些中醫，連自己招牌「針灸」都寫錯成「針炙」，呢啲千祈唔好幫襯，中文水平極差，唔好信呢啲中醫。
披唇：係喔，我今次身體點啊？
柴醫：我睇睇先，你上次話頭皮炎，而家痕唔痕？
披唇：我無頭皮炎喔。
柴醫：無理由㗎，我病歷寫住「三月頭皮炎」。
披唇：我話我「三月頭」有皮炎。
柴醫：收到！Sorry，我應該寫成三月初皮炎。
披唇：柴醫，你嘅中文水平……
柴醫尷尬：醫術同中文水平無直接關係喇！