披唇：柴醫，我成日腸胃炎。
柴醫：你屬咩㗎？
披唇：鼠。
柴醫：唔怪之得啦。
披唇：關事㗎？仲成日瞓得唔好！
柴醫：你咩星座？
披唇：水瓶座。
柴醫：唔怪之得啦~
披唇：仲成日頭痛。
柴醫：你犯太歲啊！
披唇：年年都犯太歲，出世犯到而家。
柴醫：未死算奇跡！嗱，呢度有個金幣，你返去放喺枕頭底。
披唇：柴醫，呢粒朱古力嚟喔，會溶㗎！
柴醫：新年食剩送畀你。證明你仲有得救，唔係弱智。我想測試吓你係咪亂咁信人。
披唇：柴醫，你咩生肖？
柴醫：猴。
披唇：唔怪之得啦……
語音未盡，披唇便抽身離去。
柴醫：猴又點啊？喂，唔好走啊，猴又點啫？
後記：有些人自己叫人唔好迷信，但偏偏自己就最迷信。信念本身就係唔夠證據下的一種妄想，絕望之為虛妄，正與希望相同。