披唇一入門口，有股不尋常的氣。
披唇：柴醫，我來會一會你。
柴醫：你好，請問你有甚麼不舒服啊？
披唇：你打咗脈先講。
柴醫：你睇開的中醫唔問診㗎？
披唇：我睇開果個脈診、望診好厲害。唔使講病情，一打脈就知。
柴醫：幾好喔，唔使打字輸入病歷，真係爽。
披唇：你幫我打打脈先。
柴醫：你想唔想試下再神奇的醫法？
披唇：點樣啊？
柴醫：呢度有兩粒骰仔，你擲一擲。
披唇應柴醫要求，擲了一下。
柴醫：四加六，十點，大！你可以煲遠志十號養生湯，虎乳靈芝無花果湯，可提升免疫力。
披唇：當我傻㗎？唔問診唔睇舌唔打脈，同去黃大仙求籤飲符水有乜分別？
柴醫：
我以為你鍾意神奇的睇病方法喳！
披唇：太神奇我接受唔到啊！
柴醫：其實唔問診，齋打脈就開藥，都係一樣咁神奇㗎！