披唇：柴醫，最近疫情關係胃口異常好，成個肚腩凸晒出嚟。
柴醫：你可以考慮一下地中海飲食法。
披唇：地中海？我個頭已經開始少頭髮，我唔想因為減肥而食到個頭地中海！
柴醫：哈哈，地中海係一個地區，講緊希臘、意大利等地的人喜歡日日食五穀、蔬菜水果，配合適量魚蝦蟹，小量雞鴨鵝，極少豬牛羊，食健康的油，例如橄欖油，多是不飽和脂肪，少些食花生油玉米油，天天運動常常聚餐。
披唇：食極小量紅肉牛肉，會否地中海貧血症㗎？
柴醫：地中海貧血症是遺傳疾病，不是缺鐵性貧血，和少食牛肉無關。重度地貧的患者，反而會因為鐵質堆積過多，造成器官衰竭。所以要定期口服除鐵的藥物。
披唇：我以為凡係貧血就一定要補鐵補血。
柴醫：唔一定㗎，亂補不如不補。
披唇：收到！😀😀