柴醫希望披唇說話文雅一些，所以無時無刻希望教育披唇。
披唇：柴醫，我好多眼屎。
柴醫：哎呀，可以形容得優雅些，是目眵(音：癡)或者眼膠。
披唇：還有好多屁放。
柴醫：哎呀，斯文啲，放屁太粗鄙了，係「腸風」而已。
披唇：仲要屙唔到屎。
柴醫：哎呀，這樣有失斯文，係難以出恭。
披唇：仲有最近狀態麻麻，搞唔到嘢。
柴醫：好尷尬啊，可以講房事不振。
披唇：你講到好似樓市唔掂咁喔~仲有啊，最近我條頸緊。
柴醫為披唇檢查。
柴醫：咦？你呢兩條筋黐埋一齊，發咗炎喔，臨床叫做「黐孖筋」。
披唇：柴醫，你斯文啲得唔得？
柴醫：
後記：好多人想其他人說話有禮斯文，但自己激動時就忘記了斯文，這是人性的弱點，叫做雙重標準。當我們要求別人時，最好想想自己是否也能做到，這樣才不至於無晒朋友。