孕婦：柴醫，我有點氣虛，其實可否飲北芪？或者黃芪？
柴醫：講個秘密畀你知，其實黃芪即係北芪。
孕婦披唇：哈哈！知你叻喇，我仲聽過臺灣人用紅芪補氣呢！
柴醫：其實黃芪都有好多種類，有白芪和紅芪，平時我哋在藥店買到的是淡黃白色的黃芪，補氣力度比較強，主要是内蒙黃芪。而紅芪學名是多序岩黃芪，主要產地是甘肅、四川一帶，補氣力度較溫和，比白耆更甜一些。
孕婦披唇：我還聽過有青芪，是青頭的耆英嗎？
柴醫：我們都是斯文人，請你注意一下言談，青耆即係生黃芪，熟黃芪即系炙黃芪。
孕婦披唇：我還聽過晉芪，是甚麼東東？
柴醫：你都聽聽埋埋好多嘢喔，我在考慮是否收你雙倍診金。晉芪即係紅芪，紅芪呢個叫法比較多人使用。
孕婦披唇：有北芪，應該就有南芪，是嗎？
柴醫：嘩，你真係好有慧根，我考慮收你做入室弟子。南芪不是黃芪，而是五指毛桃，具有很好的補氣作用，而且補而不燥，你上焦有火，不宜用黃芪，還是用五指毛桃吧！
孕婦披唇：苦唔苦㗎？
柴醫：似椰子味，好香！😆😆😆
孕婦披唇：柴醫，你講芪，講得好仔細啊！
柴醫：😆😆😆你食字都唔錯啊！