撇開政見，僅談狀況。
特首五年一任，最多連任一次，中央原意坐足十年剛剛好，看澳門就知。可惜，董建華連任不久即腳痛，曾蔭權補完其任期再做一屆，此後梁振英、林鄭皆放棄冧莊，到頭來，竟沒一個湊滿十年整數。香港政治之波譎雲詭，可見一斑。
每次接班人選，政務司長居多。本來，由政務司長再升一級，頗正常，卻未免太呼之欲出吧。從曾蔭權接替董建華，到林鄭接替梁振英，到大熱李家超參選接替林鄭，幾乎無懸念。這開了惡例，叫特首和政務司司怎衷誠合作呀？不互相猜忌才怪。頭馬隨時搶走掌門寶座，幫派電影情節嗎？作為文武百官，睇特首頭不如睇政務司長頭，政務司長＝儲君，投資前景，俾你都識揀跟大佬啦。作為政務司長，不抱「篡位」野心就笨，前車可鑑，未能更上一層樓的政務司長如陳方安生、許仕仁和張建宗紛紛灰頭土臉離場，不進則退，不榮則辱。
於是，弔詭畫面重複出現：做政務司長只為做特首鋪路，當上特首，安排誰當政務司長，等如安排誰取我而代之。特首像單車比賽領先者，食風辛苦；守第二才有利，但換第二帶頭，又循環上演……李家超班底會否預鄧炳強做政務司長？昔日警隊袍澤啊，升職路線圖一模一樣，好事抑或壞事？五年後，宮闈戲今已劇透。