一夫一妻制已成為現代社會的普世價值，但係咪反自然法則呢？既然大家認同一夫一妻制，點解離婚率又咁高呢？糊塗戲班夫妻檔陳文剛同魏綺珊就用呢個敏感題材，推出原創新劇，探討夫婦相處之道。
呢個劇嘅結構好特別，全劇分18個分場，每個都可獨立成單元，而每次演出會由觀眾即場抽籤抽出其中14場，連同演出次序都係由觀眾即場抽籤決定。換句話說，每次演出都有不同場次組合，每次都會有不同感受。陳文剛話，度劇本之時已經預期會有抽籤安排，所以任何兩場都可以駁埋，原來每次演出一共有多達30億個可能組合，Ray就覺得寫劇本難度已經好高，對演員而言更係功力大考驗。
Ray早前睇過其中4場試演，即第5場Peter仔生日、第9場偷情網站、第8場支票、第16場鼻鼾紀念日，劇情好生活化，都係同香港夫婦相處有關，由老婆密密check老公電話、單據同行蹤，到老公記唔記得兩人的XX紀念日，都係唔少人的生活體驗，有晒共鳴。
咁有創意嘅本地作品，梗係要買飛入場支持啦，另外，聽日早上8點去am730的Facebook專頁，Like同Share有關貼文，並且Tag 3位朋友(例子: @XXX, @XXX)，及留言 「我想睇糊塗戲班《一夫一妻》」，就有機會得到免費門票。