榕樹頭每逢農曆七月，街坊必定「籌旗」準備「孟蘭節」打齋做嘢，因為每逢農曆七月都是鬼門關大開的日子，好多遊魂野鬼上來凡間搵替身。16/8星期二正值農曆七月十四(鬼節)，凌晨約0452am(寅時：凶)，時辰絕差。有一位孝順仔用安全速度駕駛電單車到機場上班，可惜電單車駕駛到青葵公路附近突然俾一架七人車從後撞到飛起，連頭盔都甩掉，電單車尾輪又飛脫，結果孝順仔都救不到而傷重死亡，令人非常心痛！
撞到人嘅司機在現場攔截一個P牌仔，仲響朶話自己係黑社會分子，強行上車要求P牌仔立即駛往青衣(不顧而去)。講真呢條友都唔知係咪出嚟行嘅，叫人車你又使乜響朶呢！好啲禮貌要求人哋車你咁咪得囉。黑社會即係出嚟行，出得嚟行講「義氣」，撞到人應該去救人而唔係去「著草」，簡直影衰晒社團中人……
呢條古惑仔而家「還押」係老荔「拋緊」(荔枝角收押所)等候上庭，不准保釋。
但係揸電單車嘅孝順仔「枉死」，他的家人如何去申請保險索償？怎樣向這位不顧而去的「無義氣古惑仔」討回公道？
有話直說：受害者家屬應向車主給駕駛人索取賠償，通常索償會交由肇事車輛的承保公司審查及處理。受害人及其家屬亦可向該車的承保公司直接申請賠償，或透過法律代表協助。承保公司的名稱通常可從警方或運輸署方面查詢。根據現行法例規定，所有香港註冊車輛的車主必須購買第三者人身意外保險。
有關汽車意外事件的追討賠償，可向「香港汽車保險局」直接查詢：28669681
希望今次的不幸事件，受害者的家屬能盡早走出傷痛，獲得應有的合理賠償。
(免責聲明：以上所提供之所有資料僅供一般參考用途，不應視為專業及/或法律意見。任何人士在需要時應自行尋求適當之律師及/或專業人士之意見與指導)
首創保險爆料平台電郵即覆
email:[email protected]