2016年好快趣又到年中，係時候每一間保險公司都檢討上半年嘅成績表，2016真係保險業CAO的「搞笑版」...
全港市民都睇到保險業每一位從業員好似發咗達咁，個個都話自己係營業團隊的一哥或一姐，總之行到出門口個個都話自己係「保險大師」，真係笑到你暈。
近幾個月有啲八卦雜誌甚至乎搵所謂保險業的一姐(搞笑)做封面，穿著到成個好似慈禧太后咁，簡直破壞保險業嘅形象，但係睇真啲佢真係好似好搵到錢咁喎，仲話佢搵錢多過「打工皇帝」(紐約華爾街)
上個星期啱啱經過海底隧道入口，又見到一幅非常誇張非常嘥錢嘅廣告，AIA友邦的 MDRT人數已經成為全港冠軍，全球排第四(恭喜恭喜)。
但喺現時香港保險市場，最多人數的保險公司就是「保誠」超過一萬五千(大眼仔好嘢)。
整體上香港保險市場的前線保險中介人已經超越90,000，如果今年香港經濟環境愈嚟愈差，相信入行嘅人數會陸續增加，保險市場必有一番龍爭虎鬥(就來開片)。
最新消息顯示，香港保險公司合共157家(保險代理56309名)，獲登記的保險代理的業務代表27756名)、經紀公司733家(業務代表 9397名)，前線保險中介人合共約93462位。
榕樹頭啲街坊亦都有以下各大寶號人數的估計，以下比較，街坊同日進行，大家切勿小氣(傷心自誤)頭三位如下：
第一位：保誠 15320 人
第二位：友邦 12128 人
第三位 ：宏利 6800 人
其他冇乜興趣同人爭包括：
AXA 安盛 4910人
Mass Mutual 美國萬通 2800人
Ageas 富通 2690人
FWD 富衛 2240人
Chuff 安達 1820人
下半年又係保險公司嘅追數時間，一定有好多所謂比賽追數，總之間間保險公司為咗業績，無所不用其極，唔夠業績者，買都買夠！唔夠人數嘅公司，CAO大灑金錢實行大量「挖角」(保監出手啦)。實行用金錢堆砌人數，製作出強大「保險金錢帝國」，好似雷洛傳咁一係就唔貪，一貪就要貪夠「五億」。
總之2016必定是保險的「大時代」，皆因「獨立保監局」即將出台，祝大家好運！
(免責聲明： 以上所提供之所有資料僅供一般參考用途，不應視為專業及/或法律意見。任何人士在需要時應自行尋求適當之律師及/或專業人士之意見與指導)
首創保險 爆料平台 電郵即覆
email : [email protected]
(照片由作者提供)
友邦保險(1299) 近二個月股價，由每股$40 勁升至昨天 $49.2元高位。
友邦保險(1299) 近二個月股價，由每股$40 勁升至昨天 $49.2元高位。
友邦保險(1299) 近二個月股價，由每股$40 勁升至昨天 $49.2元高位。