每個月尾都係出roster(更表)同出糧的時間。而家無機飛，大家對更表都有一定的心理準備，肥珍都一樣。表面上有機實質上未去到嗰日都唔可以信張更表，一定會有「意外」改你更期。因為現時疫情的不穩定，每日都會有航班取消，所以幾乎都要每日更新，才知有無咩突如其來的國家任務，感覺不是很踏實。
有趣的是，有些同事卻能在這段逆市中飛爆鐘。因為大家呢排都無咩機飛，很多同事就索性把僅餘的都放上網同人swap。所以一啲想飛的同事就全部包攬，飛得仲多過平時。而肥珍屬於佛系員工，抱著既來之則安之的心態，一個月只有一至兩班機。而都係因為咁，所以呢幾個月的人工都好驚嚇。
大家都知我哋靠飛行時數計人工，所以無得飛，就預咗睇糧單前要強化個心臟，果然，無數錯，係四位數字。深呼吸，免得腦部缺氧。找張穩固一點的凳坐低，同自己來一場小小的small talk，以接受這個事實。
仲覺得乘務員身光頸靚唔憂米的朋友，肥珍好希望承你貴言。
肥、毒、宅的空中服務員。