一直覺得，鍾意飲烈酒呢種行為好麻甩。喜歡gin，要數幾年前一趟倫敦之旅，有幸入住Victoria Beckham經常流連嘅Rosewood London hotel。其中Holbour dining room入面嘅Gin bar，就收藏咗超過400款唔同嘅gin酒。只要同調酒師講低今日嘅心情，佢就會幫你揀出合適嘅gin。仲記得當日落住微微細雨，天氣清涼，bartender送上帶有柚子和檸檬香氣嘅Jinzu Gin，配以來自西班牙的Merchant's heart嘅flower tonic，為我趕走壞心情。自從嗰一杯gin開始，我就慢慢欣賞呢一款酒。
返嚟香港先，本地品牌白蘭樹下，最近成為我嘅新寵。創辦人Kit同Joseph揀咗最能夠代表香港嘅白蘭花製作，留意番係用鮮花製作。先唔計較成本，用鮮花製作嘅難度，係難以妥善保存同確保花嘅品質，花期短，要大量製作，實在難以確保品質同埋控制質量。經過反覆實驗，佢哋證實咗成功唔一定要靠父幹，靠堅毅不屈嘅努力同樣做到(講完呢句我都覺得自己有啲老土)，但只要你試過白蘭樹下，淡雅嘅白蘭花香唔多唔少都會勾起你童年回憶。
細個住嘅屋邨，時不時都會見到有老公公喺馬路旁邊叫賣白蘭花。當時我同自己講過，只要一見到有老人家賣白蘭花，我就一定會買走。身邊每個朋友都知我有呢個習慣，買白蘭花，買嘅係情意結。白蘭樹下，賣嘅都係香港情懷。
（以上故事絕對係堅，完全冇煽情成份）
白蘭樹下
https://www.perfumetreesgin.com/