香港係美食之都，唔好以為港人只愛雞或米線，原來對中西合璧的漢堡包亦十分狂熱。適逢5月28日是國際漢堡日，餐飲外賣平台Uber Eats就蒐集咗一些數據，一覽港人對漢堡包的狂熱及各類喜好。
根據 Uber Eats 數據顯示，漢堡包貴為港人最愛食品之一當之無愧，平台用戶於過去半年共豪食超過20,000磅漢堡包，相當於 21,732,926 卡路里，足夠成年男性攝取 8,693日或成年女性攝取10,866日。最狂熱的漢堡粉絲於過去半年共品嚐74個漢堡，平均約每 2.4 日就從 Uber Eats 的芸芸選擇中挑選心水漢堡，食盡多款經典漢堡及港式創新漢堡。另外，一名漢堡粉絲創下過去半年單一訂單的數量之最，共訂購 40 個漢堡包（包括 30 個經典漢堡及 10 個素食漢堡）、60 隻雞翼及 25 份薯條。
咁綜合來講，邊款漢堡包最受港人歡迎？登登登凳，原來係芝士漢堡以大比數拋離其他對手，榮登港人於2019年的至愛漢堡。而訂包時的額外要求亦好有趣，其中最熱門的要求就是「多醬」及「走醬」，而「走酸瓜」則位列熱門備註的第三位，其他有趣要求亦令人「刮目相看」，包括「薯條走鹽」，更曾出現「磨菇芝士漢堡走蘑菇」。