太古地產行政總裁白德利祝酒。
Blueprint裝修有香港本土情懷。
香港辦公室租金不便宜，近年就興起Co-Working Space，即共享工作空間，尤其適合青年創業，貪其租金相對便宜及靈活，而昨日太古地產一年一度與傳媒酒會，亦特別選址在其共享工作空間Blueprint舉行，順便介紹呢個位於太古坊的新落成辦公設施。
Blueprint今年4月開始營運，內部裝修走型格路線，兩層共約3萬呎地方，租約好有彈性，而家已經租出7成半，其中大部份都係start up公司。如果只係一人公司，只租一個人用的工作枱，低至月租4500元都有交易，當然人手多嘅公司，或者大公司搞特別project，可租個大面積私人辦公室，租約個別傾，亦有提供會議設施，多元化的活動場地及餐飲服務等，搞下event都得。