好多讀者及朋友都問我，作為一個46歲嘅「肥婆」，我係點樣時刻保持到咁樂觀同咁高嘅正能量，面對排山倒海嘅負面批評和子虛烏有嘅抹黑，仍然能處之泰然，一笑置之。由於家境清貧，同身形問題，從小到大，我都係處於被欺凌和被孤立的這個角色，當然開始感到委屈無助，回到家以淚洗面。但感恩我有一個充滿愛嘅家庭，我嘅父母雖然窮、也沒有任何顯赫嘅背景，但他們一直教我要以愛包容同接受其他人，包括對我唔好嘅人。我地改變唔到別人嘅睇法，但可以改變自己嘅想法。每一件事嘅發生，您都有選擇開心面對，或悲觀面對嘅權利，而我一定選擇前者。別人利用您，代表您有被利用嘅價值，別人惡意抹黑您，代表有人願意花心思在您身上，別人取笑您，代表您有令人開心嘅能力。您可以話我自欺欺人，阿Q精神，但呢個就係一直以來我可以樂觀面對任何難關嘅秘密武器。懂我的人，不用解釋，不懂我的，解釋也沒有用。對於曾經傷害我的人，我只有祝福，希望佢地嘅負能量可以喺我這裡停止，然後轉化成正能量感染身邊更多嘅人。我唔會恨您，因為我絕對唔會蠢到以您嘅錯嚟懲罰自己，喺我嘅世界，只有愛沒有恨。人生太短，沒有多餘時間自卑自憐。大家共勉之！
