一直覺得朋友為自己親手做嘅食物係最窩心最好味。今次為我做果醬嘅朋友，係素未謀面嘅Nicole，一年前左右因工作關係認識咗佢，但就從來未見過面。上星期佢突然請朋友問我公司地址，原來係想寄兩款親手造嘅果醬俾我。打開包裝簡約嘅紙盒，裝住玫瑰草莓果醬同伯爵無花果果醬！OMG！點解佢會知道我鍾意玫瑰同伯爵味嘅嘢！係任何嘢！朱古力茶葉蛋糕雪糕一有玫瑰伯爵就一定會買！Nicole嘅果醬標榜無防腐劑、無人工色素兼香港手工製造，真材實料，用法國食用玫瑰花瓣同無花果製作，而且特別調節咗個糖度，絕對唔會好似超市牌嗰啲牙痺式死甜。兩款口味我比較鍾意玫瑰草莓果醬，用嚟搽bagel同scone都好夾，而且佢啲質地比較稀，容易spread開，溝原味乳酪都好夾。
Nicole仲送上一張Sensory ZERO嘅coupon俾我，原來佢哋做緊crossover，用果醬做主題推出咗個全日早餐，以天然食材製作，值得一試。
玫瑰草莓果醬 $158、伯爵無花果果醬 $190