Ray早前參觀懲教署，見到在囚人士製造各種用品，手工唔錯，例如大家喺街上見到嘅玻璃纖維垃圾筒，就係由佢地製造嘅。日前Ray收到懲教署署長送來嘅聖誕福袋，內裡盛載著嘅都係在囚人士的心意出品，包括一個迷你cute版橙色垃圾筒模型，就係喜靈洲戒毒所男性在囚人士做的，Ray覺得好特別，除咗做裝飾外，應該可以用嚟放紙巾，有實用價值。
另外，裡面仲有配合聖誕主題嘅小禮物，包括由羅湖懲教所女性在囚人士製作嘅聖誕樹飾物，非常精美別致，仲有一包曲奇餅，則是由哥連臣角懲教所的男性青少年人士做的手工烘焙作品，佢哋正接受餐飲服務訓練，準備將來重投社會，改過自新。
看著這批推廣更生理念的產品，Ray感受到在囚人士的努力，謹希望佢哋將來擁有美好的生活，亦好想給予支持，諗住介紹朋友購買，點知據懲教署朋友話，有關物品市面買唔到，想要的話，就要等佢哋下次賣物會，睇吓有無得賣，而所得款項都係投入番支援在囚及更生人士。