前日6月12日大事件，相信全港記者都好忙，並有記者受傷，其中一名商台記者在採訪期間向警員表明是記者時，更遭對方還番一句「記你老X」，引起行內及網上熱議。至昨日下午警方記者會上，大部份出席記者都戴晒頭盔、穿上反光衣及眼罩等採訪裝備，原來係響應記協呼籲，表達對警方今次暴力手法阻礙記者採訪的不滿。
Ray在此首先向肩負報道真相重任的傳媒工作者致敬。而記招主角警務處長盧偉聰進場時，見到有如戰地記招般場面，亦睇得出有一刻錯愕，不過佢亦見慣大場面，好快就知咩事，記招上佢仲話自己不嬲對記者好客氣及有禮貌，而當日亦有派出32名傳媒聯絡員於現場，只是情況太混亂，有D手足亦做咗超過30小時，希望傳媒體諒。唔知大家收唔收貨呢？