西九文化區第一座落成項目──戲曲中心昨日終於正式開幕，特首林鄭月娥、管理局董事局主席唐英年同其他嘉賓都有出席開幕典禮。林太話，昨日適逢粵劇列入聯合國嘅《人類非物質文化遺產代表名錄》10周年，希望中心可以提升香港喺國際文化大都會的地位。
林太影完大合照後去品嘗小點，因為開幕劇《再世紅梅記》連中場休息歷時4小時，但特首要趕搭凌晨機去瑞士，十時許就提早離場。特首在早前開台日都有捧場睇《六國大封相》，昨日見到《再世紅梅記》藝術總監白雪仙，立即與前輩開心傾談。白雪仙還透露，原來她深受特首誠意感動，才首肯出任藝術總監呢。
阿Ray發現，戲曲中心不僅有精品店「Passage」，酒樓「滿樂」、茶舖「樂茶軒」同由著名私房菜「鴛鴦」主理的糕點店「高點」，都同日開張。不過，阿Ray駐足「高點」瘋狂影相打卡，皆因成間舖連Display雪櫃、禮券、糕點都係由創作總監 徐蒝 親自設計！用有機蕃薯做餡的「紫晶」，以及由焦糖、果仁做餡的「招財水晶」實在晶瑩剔透，因為水晶皮以日本海草製成；色彩繽紛的年糕是絕無人造色素，蘿蔔糕的蘿蔔還是自家農場種植，難怪要限量預訂啦。
徐蒝