返回 新聞 2017-09-04 06:00:00 Ray手記: Ray 打風唔成 馬季開鑼 丁財兩旺 分享： 馬會有時都幾好彩，昨日馬季開鑼，撞正打風唔成，結果丁財兩旺，10場賽事總投注額達12.94億元，屬歷來最高投注額的開鑼日，入場人數6萬6千多人，全日投注額比去年增加6.5%，馬會行政總裁應家柏應該飲得杯落。 特區行政長官林鄭月娥今年第一年以特首身份，出席開幕禮，主持醒獅點睛等儀式，睇佢揮動大槌，敲響巨型銅鑼，標誌著新馬季揭開序幕，期間冇乜聽見噓聲，反而有少少掌聲。而全日焦點亦係第三場特首盃(1200米)，結果由莫雷拉胯下的「四季旺」贏得冠軍。
