相信好多人都會覺得人生常常被一堆數字困擾著，影響著，例如：年齡、身高、體重、三圍數字，甚至乎收入或銀行存款數目，每一個數字都似乎掌控著他/她的命運和心情，但其實細心一想，這些真的只是一堆數字，完全不能為一個人定義。年齡大小無法左右您保持心境年輕開朗樂觀、身材高矮肥瘦亦無礙您選擇愛美嘅權利，財富多寡亦不影響您活得充實和有意義。
每一個人嘅價值係由自己訂下的，沒有任何人可以改變，除了您自己，所以別人的冷嘲熱諷和惡意批評從來影響唔到我，我只會相信自己相信的，做我自己認為對的事。誰說46歲，180磅嘅中年肥婆唔可以扮靚，唔可以著得打扮得年輕？唔可以活得精彩，唔可以做model，甚至乎著泳衣示範俾大家睇？
30歲前，我會為旁人甚至乎唔認識嘅人講嘅說話傷心，甚至打擊自信、40歲前，我進步了，但仍會為我在乎的人所說的話難過、傷心。現在我46歲了，學懂開心係一種選擇，唔想浪費時間去自怨自艾、自卑自憐。無論我嘅年齡、身形、財富數字如何，我的數字人生，必定係精彩快樂嘅人生。More 女們共勉之！