前財爺曾俊華告別政壇投入商界後，仍保持一定曝光率，昨日就以虛擬保險公司保泰人壽(Bowtie)資深顧問身份落區與市民見面，更準備了6千粒「珍寶珠」兼6千元BowtieCash優惠碼派發做宣傳，仲話若市民大眾未能受惠於政府的4千元派糖，亦能得到「真保障」，夠晒gimmick。
曾俊華舊事重提，話08至09年度擔任財政司長時，已於財政預算案上預留撥款，以改善醫療，可惜最終未被執行，而佢而家轉為幫虛擬保險公司sell的，是要喚醒香港人對自願醫保的關注，一方面加深大家對純保障保險產品的認識，以助得到適切的私營醫療服務，另方面同時幫助紓緩公營醫療系統的壓力。至於Bowtie聯合創辦人兼聯合行政總裁顏耀輝(圖右)就話同曾俊華有共同理念，希望醫療保障產品，可為全港市民打開私家醫院大門。