海洋公園近日推出好多港人獨家優惠，一浪接一浪，本年第3浪係「買大送細」，冇講錯，係一張成人票送一張小童票，即係一個價錢大小二人同行！
由即日起至5月1日期間，香港居民只需於海洋公園正門入口出示有效成人入場門票及香港身份證，即可為同行小童（3至11歲）換取當日免費入場門票1張。
海洋公園行政總裁李繩宗話係回饋社會，好等家長趁一連4天復活節長假期，帶同子女一同入園玩。當然，其他組合亦可以，總之大小同遊，去玩去癲去Ocean Park！
不過要提提大家，今次優惠不適用於贈劵、福利票、教育團團體票、旅行社團體票、智紛全年入場證、智紛會員半價優惠門票、企業包場門票、長者同行6折優惠門票及「特惠海洋公園平日日間入場門票」。