話咁快，香港迪士尼樂園就成立12周年了，園方會由9月1日起至14日一連14日推出美食體驗同賓客一同慶祝，名為「驚喜生日派對」，其中最特別是由一眾迪士尼朋友親自監製的「12周年杯裝蛋糕」，昨日更送來am730編輯部率先試食，因造型太可愛，好多同事只顧俾相機先食，自己就唔捨得食。
12款杯裝蛋糕以不同的迪士尼朋友為主題，包括：米奇、米妮、唐老鴨、黛絲、高飛、布魯托、大鼻帝帝、鋼牙奇奇與人氣高企的迪士尼小熊Duffy、ShellieMay、Gelatoni和最新加入的StellaLou，將於幻想世界「皇室宴會廳」推出，單價每款45元，如選購6件或全套12件，便附送精美盒裝，每日限量發售。
而樂園3間餐廳包括：「大街餐廳由Coca-Cola®呈獻」、「皇室宴會廳」及「大冒險家餐廳」，精選共12道特色「樂園生日驚喜套餐」，隨餐送上「12周年迷你芝士生日蛋糕」，非常有生日氣氛。
另外，樂園生日當天(9月12日)到訪賓客，將獲贈「12周年生日襟章」乙個，數量有限，送完即止。