記得剛移居到瑞典時，幾乎每次付款給收銀員都有一點不知所措。起初我會擔心自己是不是用到假鈔了，還是自己英文程度真的那麼糟，收銀員才會一臉為難。後來住久了才知道原來是現金惹的禍——收銀員很久沒有接觸過現金了。
在2015年，全球現金交易佔全球整體經濟嘅75%，瑞典嘅現金交易卻僅佔瑞典整體經濟嘅2%。大部分人瑞典人都唔會攜帶現金，信用卡同電話過數成了大部分人主要嘅付款方式。小食檔、賣旗，甚至連公廁都接受過數(如圖)。亦有舖頭、餐廳開宗明義不接受現金。
瑞典如此推崇無現金社會，有傳源於九十年代有好多解款車劫案。電子貨幣就成了其中一個解決方法。無現金嘅概念愈來愈普及，確實為市民帶來唔少方便，商戶亦發現咁樣原來可以慳返好多處理現金嘅時間。但若果遇上停電就麻煩喇，對遊客亦會帶來一定程度嘅不便。
三家提提你：在瑞典使用信用卡時，大部分商戶都會要求你輸入四位數字密碼。可是香港銀行發出嘅信用卡並不設有呢四位密碼，呢個時候你可以出示身份證明文件以核實身份，通常簽番個名就得。不過有啲地方仍然唔支援咁做，所以穩陣起見還是帶番少量現金傍身較好！
一名乾物女，過氣空姐，為愛由北區移居到北歐多年。熱愛地球同時喜歡講粗口，志願是能夠與動物溝通。