情人節為冧情人另一半都出盡奇招，買花已屬「指定動作」，但昨日最為瘋傳的應該係一名男士穿上全副鐵甲奇俠Iron Man盔甲，手持一束黃玫瑰，出沒在尖沙咀及金鐘似等候佳人，另一張則是Iron Man與一名女士一同乘車，Iron Man左手繼續手持該束黃玫瑰。
網民反應好撕裂，有人力撐鐵甲奇俠夠Man有勇氣，亦有人質疑佢太誇張，更有人估計鐵甲奇俠係迪迪尼員工，趕住返工前親手送花，先至會出現呢個場面，都係得啖笑。不過，有傳媒就搵到佢本人，一時又話愛cosplay，一時又話已婚，唔知邊樣真。總之，網民話如想博見報出位，明年都要認真諗諗佢，漫畫英雄咁多個，揀定一個先。