瑞安房地產主席羅康瑞(Vincent)昨日以貿發局主席身份與傳媒茶敘，話題主要講「一帶一路」商機，不過在座的記者其實都心裡有個謎，趁茶敘尾聲，當然想佢回應家族爭產風波，Vincent聽到後臉色一沉，就話呢個係「悲劇」，同埋「公道自在人心」，其他就不再評論嘞！
不過，Vincent都無因此而急急走人，仲同記者輕鬆傾多幾句，講到呢個星期佢會繼續留港，好頻撲，仲話最慘拉傷條腰，因為之前完成髖關節置換手術之後，佢諗住要鍛練下啲肌肉，點知就整傷咗。不過佢話依家唔使揸住拐杖已經好好，總之最緊要身體健康啦！