身邊好多朋友及客人問得我最多的問題，就係點解您面型咁尖，望落一啲都唔似咁肥。其實，除咗多得之前我喺美容界工作了超過10年，因為工作關係，經常可以第一時間接觸及試到最新最好嘅美容儀器和產品外，最重要嘅原因，就係因為我嘅髮型。所謂髮型影響面型，一個適合自己嘅髮型，可以令您看起來更瘦，更靚。夏天來了，天氣越來越熱，好多more 女們都想扎起頭髮，貪清爽啲，但又怕會暴露面圓嘅缺點。因為好多人覺得自己臉型圓，最好將頭髮放落嚟，兩邊遮到大半面最好，以為咁樣就一定望落瘦啲，尖啲，事實上剛剛相反，愈遮反而愈唔精神。其實扎馬尾只要有方法，都可以令面型看起來更瘦更尖，秘訣就係扎馬尾之前，必須先將頭髮弄鬆，扎好後，一定要將頭頂頭髮再拉鬆一點，令整個面型看起來長些瘦些。
大家都知道，我喜歡扎馬尾加戴上靚靚頭箍，除咗因為係工作，需要影相時將身上衣服嘅細節顯示出來，另一個主要原因，就係扎起頭髮後，面部輪廓反而可以更突出，加上藉著頭箍嘅幫忙，可以將頭頂的頭髮拉鬆及拉高少少，令整體臉型拉長了，望落更加顯瘦。而頭箍亦可以將baby hair 收好，令人望落更整齊，更清爽利落。而且不同頭飾亦可以配搭唔同服飾，帶出唔同嘅風格。所呢個夏天，大家不妨做下「那些年」女主角，試下扎個靚馬尾吧！
(照片由作者提供)
