胡孟青X沈振盈有乜化學作用？梗係論盡追揸沽啦！
am730昨晚有新搞作，請來青姐同沈大師一齊做Facebook Live，節目名為「講升講跌」，眼利網民話，呢個組合夠晒新鮮，第二D平台未曾見過，青姐一如既往有話直說，先聲奪人，而沈大師就時不時爆出金句，兩人由股市基金傾到股市大勢及樓市泡沫，言論奔放大膽，網民大呼過癮。
青姐話每次世界盃股市都會靜D，2002年沙士前一年已經好靜，2006年個市靜到佢得閒去生仔，仲記得係德國對哥斯達黎加打緊時出世，所以印象深刻。而沈大師話今年流年不利，呼籲大家要小心。
am730友好話，呢個環節隔星期二登場，下次即係6月12日晚7點，而重溫就可以去am730 個Facebook 專頁。