問：去英國做乜？
答：舉報梁振英懷疑貪污同瞞稅。
問：關英國咩事？
答：梁振英當時是戴德梁行董事，戴德梁行是英國上市公司，我懷疑梁振英收取UGL400萬英鎊協助UGL收購戴德梁行，未經股東大會同意，涉嫌違反董事誠信及損害股東及債權人利益。加上梁振英聲稱收取的400萬鎊毋須交稅，我質疑梁是否違反英國相關反貪及和稅務法例。
問：點解依家先去？
答：我一直都想去舉報，只是公務繁重未能動身，咁啱立法會獲英國有關方面邀請兩名議員出席西敏研討會(Westminister Seminar)，學習議會傳統運作和程序，我有幸代表民主派出席，因利成便，於是決定舉報。
問：咁你向哪些機構舉報？
答：我已向英國國家罪案機關(National Crime Agency)轄下國際反貪組舉報，另透過英國外交部向皇家稅務及海關(HM Revenue & Customs)要求跟進梁振英稅務問題。
問：有無信心告到佢？
答：我已將最重要的資料和理據交英國當局，對方如何調查我無法控制，我亦向幾位國會議員反映過情況，希望他們敦促執法當局嚴肅跟進。能夠做的已盡做了，結果如何非個人能左右。
問：驚唔驚CY？
答：我行得正，企得正，為市民發聲，唔驚得咁多，咁驚死，點做公家事呢？但防人之心不可無，我再三考量投訴內容，確信都是基於已知事實的合理質疑，用詞非常謹慎，佢無咁易告到我誹謗的。
問：一齊去研討會的何君堯知你舉報CY，話要炮製你喎？
答：我有重要事辦，費事理佢。炮製？防空炮，機關炮都無聽過，無見過，唔知點炮製喎。
問：你做咩唔舉報埋佢「執業」呀？
答：我係唔like佢，但根據資料，佢真係有英國執業資格，只是無做申請執業手續，他聲稱是英國執業律師無疑是錯誤，但我懷疑能否確立其犯罪動機。加上我堅信應集中精神處理梁振英案，何君堯的執業資格問題，由其他人跟進吧。 立法會議員
