香港地物資可算豐富，好多舊物都會被直接丟棄。但Ray昨日去睇咗個由舊嘢升級再造的藝術展覽後，以後丟垃圾前都會諗清楚先。事關華懋集團之前啟動「光藝共享」聖誕公共藝術項目，其中一項活動就搵咗本地著名建築師及藝術家陳麗喬博士(Q姐)策展名為「但願 – 光芒再現」升級再造藝術展，並與同12位本地藝術家合作，創作9組藝術作品，全部都係用舊物，好似舊燈泡、光管、床單、員工製服等等升級再造而成，讓人反思對事物、對生命嘅態度。展覽由今日開始至明年2月底，於荃灣如心廣場2樓201室免費開放予公眾參觀，而且每日指時間仲有導賞團，會詳細介紹所有作品。Q姐話希望大家透過呢個集環保同藝術於一身嘅展覽，得到多方面啟發。