最近不少報道關於乘務員落地轉行的消息，有的去了紮鐵，有的去送外賣，也有去當健身教練和瑜伽老師。馬死落地行，東家無得打就打西家。呢啲只係被報道的情況，相信未被報道的同事都各自努力中。
有睇開肥珍吹水日記的朋友，應該記得之前提過有位同事逆市開了間二手書店。情況當然唔會好似拍戲咁大受歡迎，然後辭工發大達。肥珍去探佢的那天是周末，在一間好難搵的商場角落，才先發現呢間小店。坐咗數小時，行經書店的人用一隻手數得晒。同事雖然都表示焦慮，話連續十幾日坐著都無人經過，日日食白果唔係一般人接受到。「話晒叫做『哎呀』圓夢啦！宜家每日都可能會死，雖然無晒錢，但死左就咩都無。」悲但真的一段對答。
相信仲有好多受疫情影響的打工仔，好努力咁搵緊出路，要養家、交租和接受現實。但肥珍相信呢下的衝擊唔會永恆，情況再壞都一定會過去，人生永遠都有發夢的權利。
香港人，信心！堅持多陣一定會好！